Полицейлер қаталдықпен және өрескел митингтер мен демонстрацияларды таратып қуып жібергендерін көргенде, осы полицейлерден мен ылғи да сұрағым келеді: сіздер не үшін осы адамдарды жек көресіздер? Олар кісі өлтірушілер емес, зорлықшылар емес, қарақшылар да емес. Олар да сіздер, сіздердің ата-аналарыңыз, достарыңыз және т.б. сияқты біздің еліміздің азаматтары. Осы адамдармен сіздер бір көшелерде керуендейсіздер, бір мейрамханаларда түскі ас ішесіздер, кинотеатрларда қатар орындықтарда отырасыздар. Бәлкім, балаларыңыз бір бала бақшаға барып жүрген шығар, және де, бәлкім, сіздер олармен кездесіп, жылы амандасқан шығарсыздар. Біз барлығымыз – отандастармыз, ағалы-қарындастармыз. Сонда бізде ұлы соғыстағы жаулар арасындағы сияқты бір-бірімізге деген осындай өшпенділік қайдан ғана пайда болған?
Қоғамдық тәртіпті қолдау және митингке шыққандарды ұстап алу сіздердің жұмыстарыңыз екендігін түсінемін. Бірақ, қалай болсада, өздеріңіздің оппоненттеріңізді сыйлауға болады ғой. 15 тәуліктен кейін олар бостандыққа шығады, тағы да сіздермен балабақшада кездеседі ғой. Олардың көздеріне қалай қарайсыздар?
Полицейлер митингке шыққандарды ұрып соққандарын қаламаймын, оған қоса полицейлер қарусыз адамдарға оқ жаудырғанын және жараланғандарды құрығанша соққандарын да қаламаймын. Полицейлер өздерінің қызметін абырой мен қадір-қасиетпен, адамдарға деген ішкі құрметпен, әдепті, бірақ қатаң, атқарғандарын қалаймын.
Сонымен бірге мен митингке шыққандар қолдарына жұмыр тас алып, оларды полицейлерге лақтарғындарын қаламаймын. Митингке шыққандар, біздің еліміздің заңдарымен келіспейтін болса да, биліктерге көнгендерін және де қол жұмсаусыз сотқа бет алуларын қалаймын. Күш қарсылығынан іс өзгермейді, сіз бәрібір соттан бірақ шығасыз, тек көк ала қойдай сабаланған және жарақаттанған болып шығасыздар. Арақатынасты шиеленестіріп, қызметтегі осы жас жігіттерді ашуландырудың не керегі бар. Сіздердің қарсылықтарыңыздан олар бір адымға да шегінбейді. Заңдарды осы қатардағы полицейлер өзгертпейді ғой. Оларды не үшін ұрып жығу қажет?
Біздің елімізде соғыс болуын мен қаламаймын.
Біздің қарым-қатынастарымыз осы төтенше жағдайлардың өзінде өркениетті, адамгершілікті болып қала беретінін қалаймын.
Біз жаулар емеспіз. Ертең біз барлығымыз бір көшелерде жүрерміз, сірә.
COMMENTS